-->

نكت مضحكة جدا وجديدة هههههه

نكت مضحكة جدا وجديدة هههههه

    نكت مضحكة جدا وجديدة هههههه


    واحد بيقول لصاحبه انت عارف في عيد جوازي الاول اخدت مراتي في رحلة لليابان...
    قاله يااااااااه... امال في عيد جوازك العشرين بقي هتعمل ايه... قاله هروح اجيبها من اليابان.
    واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على
    العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه
    للإيجار قعدت اخبط ومحدش فتح لي قاله غريبه مع ان الجماعه منورين النور فوق.

    مرة واحد بيعدي الشارع مع صحابه خبطته عربية مات.
    فاختاروا واحد منهم عشان يقول لمراته فراح لها فتحت له الباب قال له: ' جوزك
    ضيع كل فلوسه ع القمار'
    قالت له: ' إلهي ينشل البعيييد!'
    قال لها: ' و باع البيت'
    قالت له: ' إلهي يبيعوا عنيه!'
    قال لها: ' و اتجوز عليكي على فكرة'
    قالت له: ' إلهي يدخلوا عليا شايلينه'
    الرجل قال: ' بس.. خشوا يا شباب...'

    واحد منوفي كان ناذر نذر انه لو خلف ولد يصوم عشر أيام و فعلاً ربنا أكرمه و جاب ولد و
    الراجل صام العشر أيام بعديها بكام يوم الولد مات المنوفي خصم العشر أيام من شهر رمضان!.

    فلاحه راحت للكوافير بيسالها سشوار ولا صبغة قالتله
    لا ٠٠ فلينى.

    استاذ سأل طالب فى اى فصل يسقط المطر قاله فى الفصل اللى مافهوش سقف.

    غبى دبح امه وابوه سالوه ليه قالهم اصل المدرسة عاملة رحلة للايتام.

    واحد شايل انبوبة غاز قال لمراته ادعيلى قالتله روح ربنا يفتحها فى وشك.

    عجوزة سمعت ان الدش حرام قالت الحمدلله انا طول عمرى بستحمى من الجردل.

    الشرطة بتتخانق مع مسطول هما يقولوله اركب وهو يقولهم لا انا عايز اسوق.

    موجه عربى بيقول للمدرس ليه العيال بينطقو الجيم دال قاله هو ده اللى مدننى.

    حمار وحشى وحمار عادى بيتسابقو بدأ السباق فالحمار العادى مجريش سالوه مجرتش ليه
    قالهم والنعمة مانا جارى الا لما تجيبو لى ترنج زيه.

    بخيل راح يزور امه فى المستشفى لقى مكتوب على الباب( ادفع) قال ربنا يشفيها ابقى اشوفها لما ترجع البيت..

    صعايدة سرقوا البنك معرفوش يعدوا الفلوس قالوا بكرة نعرف من الجرايد!!.

    مسطول حاضر عزاء واحدة حلوة ,القارئ قال : اذكروا محاسن موتاكم ,قال المسطول :الله يرحمها كانت صاروخ!!.

    صعيدى جاتله رسالة حلوة قعد يضحك اتصل بالى بعتهاله وقاله والنبى ابعتها تانى.

    واحد بيقول لصاحبه عيب مراتك تحدفك بالشبشب واحنا قاعدين قاله بس بزمتك جه فيا.

    صعيدى اشترى موبايل سامسونج ,بعت رساله لخطيبته متتصليش على النوكيا علشان بعته.

    صعيدى سرق مليون جنية و راح دفنهم فى حفرة وكتب عليها (مفيش فلوس هنا)
    راح حمدان ولد خالو خد الفلوس وكتب على الحفرة (حمدان مخدش حاجة )!!!!.

    للابتسام وإضفاء بعض المرح في زمن الكرب والنكد مع العلم كنت اتمني ان اكون صعيدياّ من سوهاج بالتحديد لانهم رجاله اهل فهم وصبر ولايحبون اللوع وصريحين واضحين كالشمس.

    زوجة مصرية بعتت رساله SMS لجوزها تقوله هات معاك دواء للحراره ، بنتك حرارتها ٤٠ وصاحبتك هند عندنا و بتسلم عليك.
    رد عليها وقالها مين هند؟
    قالتله بس كنت باتأكد إنك حتقرا الرساله ... يالا ما تنساش الدواء
    قالها : انا مستغرب لان هند معايا
    قالتله : معاك فين؟
    قالها : في الصيدليه !!
    قالتله : خليك عندك انا جايه ما تتحركش
    لما وصلت طلبته وقالتله انا عند الصيدليه ، انت فين ؟
    قالها : انا في الشغل وطالما وصلتي للصيدليه ماتنسيش تشتري الدواء.